६ दशकमा ४४ हजार छात्राछात्रलाई सेनाको तालिम

कपिलवस्तु २फागुन
भनिन्छ, अनुशासन र राष्टसेवा परस्पर जोडीएका विषय हुन्, त्यसैको एउटा उदाहरण हो कपिलवस्तुको बुद्धभुमीमा रहेको राष्टिय सेवादल । जसले गर्दा विद्यार्थि र युवालाइ अनुशाशीत र राष्ट्प्रति आस्थावान नागरिकले नै राष्ट्लाइ सवल र विकसित बनाउँछ भन्ने शिकाइ दिएको बताइन्छ । त्यसै अनुरुप युवा विद्यार्थिलाइ देशप्रति जिम्मेवार, कर्तव्यनिष्ठ र स्वाबलम्वी बनाउने उदेश्यले २०२२ सालमा राष्टिय सेवा दलको स्थापना भएको हो । छ दशकको अवधिमा ४३ हजार ७ सय ४ जना छात्रछात्रालाइ नेपाली सेना मार्फत सेवादलबाट प्रशिक्षित गरेको छ ।

जस अनुसार पछिल्लो समय ७७ बटै जिल्लामा राष्टिय सेवा दल गठन भएको छ । उनीहरुले विभिन्न समयमा आइपर्ने विपतीका समयमा नागरिकलाइ सहयोग गदैं आएका छन् । कपिलवस्तुमा पनि शमशेर दल गण गोरुसिँगेको सहयोगमा गंगाज्योती मावि पथ्थरकोटका साथै नेपाल राष्टिय मावि रनगाइका ८ देखी १० कक्षामा अध्ययनरत ५० विद्यार्थीले खुकुरी नाँच प्रर्दशन गर्ने गरेका छन् । इतिहासको गौरव जोगाइराख्न राष्टिय सेवादलको महत्वपुर्ण भुमिका रहेको पाइन्छ । खासगरी अंग्रेज नेपाल युद्धका बेला नालापानीमा भएको युद्धको सम्झनामा विरताको प्रतिक स्वरुप खुकुरी प्रर्दशन गरेको इतिहास छ ।