गुल्मी, २२ फागुन । गुल्मी जिल्लाको छत्रकोट र रुरुका किशानहरुले गुड खुदो बेचेर मनग्य आम्दान गर्दै आएका छन् । छत्रकोट र रुरुका किसानलाई खुदो र गुणको बनाउन चटारो सुरु भएको छ ।
यी दुई स्थानीय तहका किसानले उखुबाट बनाइएका परिकारबाट करिब दुई करोड रुपैयाँको खुदो र गुड उत्पादन हुने गरेको छ । छत्रकोट र रुरुमा १७२ हेक्टर क्षेत्रफलमा उखु खेती हुँदै आएको छ ।
रुरु क्षेत्रका वडानम्बर ३ थापती र वडानम्बर ४ बलेटक्सार, छत्रकोट वडानम्बर ३ हर्दिनेटा, वडानम्बर ४ दिगाम, वडानम्बर ५ खज्र्याङ उखु पकेट क्षेत्र हुन् । यी क्षेत्रमा किसानले प्रशस्त मात्रामा उखु खेती गर्दै आएका छन् ।
अहिले किसानलाई उखु काट्न, पेल्न, खुदो, गुड बनाउन व्यस्त छन् । ग्रामीण क्षेत्रका पाखोबारीमा लगाएको उखुको रसबाट खुदो र गुड बनाएर बजारमा बिक्रि गरी गुल्मीका कृषकले मनग्य आम्दानी गर्दै आएका छन् ।
यस क्षेत्रका कृषकले परम्परागत शैलीमा गर्दै आएको उखु खेतीलाई प्रविधिको विकाससँगै आधुनिक मेसिनको प्रयोगबाट बनाइएको खुदो र गुड बेचेर जिविकोपार्जन गर्ने मुख्य आम्दानीको स्रोत बनाएका छन् ।
यी क्षेत्रमा उत्पादन भएको गुड र खुदो रिडी, पाल्पा, बुटवल, पोखरा, काठमाडौंका शहरदेखि बिदेशसम्म प्रख्यात छ । जिल्लाबाट अन्यत्र शहरमा जानेहरुले गुल्मीको गुड र खुदो कोसेलीका रुपमा लैजाने गरेका छन् ।
प्रतिक्रिया