किताब बेच्ने अभियानमा महावीर पुन आज कपिलवस्तु आउँदै

कपिलवस्तु, २२ चैत्र । अभियान्ता महावीर पुन आज कपिलवस्तु आउने भएका छन् । किताब बेच्ने अभियानको क्रममा साँझसम्म उनी कपिलवस्तु आउने भएका हुन् । साझ बुद्धभूमि नगरपालिकाको गोरुसिंगेमा आउने पुनले फेसबुकमार्फत् जानकारी दिए ।
उनले लेखेका छन् ‘आज बेलुकासम्म कपिलवस्तुको गोरुसिंगे पुगिने छ । तानसेन बजारबाट बुटवलतिर झर्दा बाटोमा पर्ने बजारहरु डुम्रे, गौडेपुल, केराबारी, जोरधारा,तिर किताब बेच्न चाहनेले ९८४१५९२३६१ मा सम्पर्क गर्नुहोला’ भनेर लेखेका छन् ।

राष्ट्रिय आविष्कार केन्द्र संचालन गरिरहेका पुनले किताब बेचेको पैसाले त्यसैको विकासमा खर्च गर्ने जनाएका छन् । उनको महावीर पुन, सपना, सम्झना र नामक किताब प्रकाशित छ । उनको किताब बेच्ने तरिका निकै गज्जवको छ । उनले अहिलेसम्म करिब ३ हजार पुस्तक बेचिसकेका छन् ।