कपिलवस्तु, १८ बाणगंगा ।
त्रिभुवन विश्वविद्यालयले हालै प्रकाशित गरेको बिए दोस्रो वर्ष (२०७९ साल) को परीक्षाको नतिजामा सिद्धार्थ क्याम्पस ,कपिलवस्तुका विद्यार्थीहरूले उत्कृष्ट प्रदर्शन गरेका छन्। सिद्धार्थ क्याम्पस, बाणगंगाकी छात्रा तारा कुमारी चौधरीले ६९.६५ प्राप्ताङ्क हासिल गर्दै जिल्लाभर पहिलो स्थानमा रहन सफल भएकी छिन्।
सिद्धार्थ क्याम्पस कपिलवस्तु जिल्लामा मात्र नभई समग्र नेपालकै शैक्षिक क्षेत्रको उत्कृष्ट क्याम्पसहरूमध्ये एक मानिन्छ। यो क्याम्पसले विगतमा पनि उत्कृष्ट नतिजाहरू ल्याउँदै आएको छ, जसमा नेपाल प्रथम, द्वितीय, नवौं र दशौँ स्थान प्राप्त गर्ने विद्यार्थीहरू छन्। यसैगरी, प्रदेश स्तरमा पनि पहिलो स्थान ल्याउने विद्यार्थीहरूको नाम यस क्याम्पससँग जोडिएको छ।
कपिलवस्तुको पहिलो क्युएए (QAA) प्रमाणित क्याम्पस सिद्धार्थले यस वर्ष पनि आफ्नो शैक्षिक गुणस्तरलाई कायम राख्दै छात्र(छात्राहरूको लागि उत्कृष्ट वातावरण सिर्जना गरेको छ। यस क्याम्पसका अन्य विद्यार्थीहरूले पनि बिए दोस्रो वर्षको परीक्षामा उच्च अङ्क ल्याउँदै क्याम्पसको प्रतिष्ठा अझ माथि उठाउन सफल भएका छन्।
क्याम्पस प्रमुखले भनेका छन्, ”हामी हाम्रो विद्यार्थीहरूको यस सफलतामा गर्व गर्छौं। तारा कुमारी चौधरी र अन्य सबै विद्यार्थीहरूलाई उत्कृष्ट नतिजा प्राप्त गरेकोमा हार्दिक बधाई छ। यसले सिद्धार्थ क्याम्पसको शैक्षिक क्षमता र विद्यार्थीहरूको मेहनतलाई अझ बलियो प्रमाणित गरेको छ।”
तारा कुमारी चौधरीको यस नतिजाले कपिलवस्तु जिल्लामा महिलाहरूको शैक्षिक क्षेत्रमा उल्लेखनीय प्रगति भएको संकेत गर्दछ। उनले नतिजा सार्वजनिक भएपछिको कुराकानीमा भनेकी छिन्, ”यो सफलता मेरो परिवार, क्याम्पसका शिक्षकहरू र मेरो निरन्तर मेहनतको परिणाम हो। म यसबाट प्रेरित भएर अझै राम्रो गर्नेछु र भविष्यमा पनि शैक्षिक यात्रामा उत्कृष्टता हासिल गर्न चाहन्छु।”
तारासहित अन्य मेधावी छात्र छात्राहरूको पनि जिल्ला र प्रदेश स्तरमा राम्रो प्रदर्शन हुनुले कपिलवस्तुको शैक्षिक विकासमा ठूलो योगदान पुर्याएको छ। सिद्धार्थ क्याम्पसले प्रदान गर्ने गुणस्तरीय शिक्षाको प्रभावले यहाँका विद्यार्थीहरूलाई राष्ट्रिय स्तरमा प्रतिस्पर्धा गर्न सक्षम बनाइरहेको छ।
क्याम्पस परिवार, शिक्षक, अभिभावक र विद्यार्थीहरूको यो संयुक्त प्रयासले कपिलवस्तुलाई शैक्षिक रूपमा अग्रस्थानमा पुर्याउने अपेक्षा गरिएको छ।
प्रतिक्रिया