मधुवन, ०३ कार्तिक । बाणगंगा नगरपालिका वडा नं. ८ मा रहेको भगीरथी गौशालाको घाँसे क्षेत्रमा सरसफाइ अभियान चलाइएको छ। शनिबार सम्पन्न सरसफाइ कार्यक्रममा वडा बासिन्दा र आम उपभोक्ताहरूको सक्रिय सहभागिता रहेको थियो। गौशालाका अध्यक्ष चक्रबहादुर भण्डारीका अनुसार, वनमारा (आकस्मिक वनस्पति) ले घाँसे क्षेत्र पूर्ण रूपमा ढाकेको कारण त्यसको सरसफाइ गर्न र गोडमेल गर्न आवश्यकता देखिएको थियो।
यस सरसफाइ अभियानले गौशालाको व्यवस्थापनमा सहजता ल्याउने र पशुहरूको लागि हरियो चारा उपलब्ध गराउने उद्देश्य राखेको छ। उपभोक्ताहरूले भविष्यमा पनि यस्ता अभियानमा निरन्तर सहभागिता जनाउने प्रतिबद्धता व्यक्त गरेका छन्।
प्रतिक्रिया