चन्द्रौटा, ०७ कार्तिक – कपिलवस्तुको शिवराज नगरपालिका–१, भाइरलडाँडा स्थित पूर्व–पश्चिम राजमार्गमा भएको सवारी दुर्घटनामा एक जनाको मृत्यु भएको छ भने एक जना घाइते भएका छन्।
अर्घाखाँचीबाट दिल्ली जाँदै गरेको लु २ ख २१४२ नम्बरको बस र विपरीत दिशाबाट आएको रा ७ प ३४८ नम्बरको मोटरसाइकल एकआपसमा ठोक्किंदा दाङको राप्ती गाउँपालिका–४ मौरिघाटका २७ वर्षीय मोटरसाइकल चालक लिलाराम कुँवरको घटनास्थलमै मृत्यु भएको हो।
मोटरसाइकलमा पछाडि सवार २९ वर्षीय खुसीराम चौधरीको टाउकोमा चोट लागेको छ र उनलाई थप उपचारका लागि संजीवनी सामुदायिक अस्पतालमा भर्ना गरिएको छ, जहाँ उनको अवस्था सामान्य रहेको जनाइएको छ।
दुर्घटनामा संलग्न बस र मोटरसाइकल दुवै प्रहरीको नियन्त्रणमा रहेको वडाप्रहरी कार्यालय चन्द्रौटाका प्रहरी निरीक्षक सुजन शाहले जानकारी दिनुभएको छ।
प्रतिक्रिया