कपिलवस्तु, २१ माघ
कपिलवस्तु प्रतिनिधि सभा सदस्य निर्वाचन २०८२ फाल्गुण २१ लाई लक्षित गर्दै नेकपा (एमाले) को तर्फबाट उम्मेद्वार बनेका विश्राम प्रसाद चौधरीले जनताका आवश्यकता र सरोकारलाई आफ्नो मुख्य प्राथमिकता बनाउने प्रतिबद्धता व्यक्त गर्नु भएको छ ।
उम्मेद्वार चौधरीले निर्वाचन क्षेत्रभित्र रहेका समस्या र सम्भावनाबारे आफू जानकार रहेको उल्लेख गर्दै विकासका कार्यक्रमहरू जनमुखी र जनउत्तरदायी ढंगले अगाडि बढाइने विश्वास व्यक्त गर्नु भयो । उहाँले जनताको प्रत्यक्ष सहभागिता र आवश्यकता अनुसार मात्र दिगो विकास सम्भव हुने धारणा राख्नु भयो ।
नेकपा (एमाले) बाणगंगा नगरपालिका वडा नम्बर ६ र ७ का वडा स्तरीय अगुवा कार्यकर्तालाई सम्बोधन गर्दै उम्मेद्वार चौधरीले समुदायको विकासप्रति आफू सधैं जवाफदेही रहने स्पष्ट पार्नु भयो । साथै शुद्धोधन गाउँपालिका स्तरीय कार्यालय उद्घाटन कार्यक्रममा समेत उहाँले जनताकै हित केन्द्रमा राखेर काम गर्ने प्रतिवद्धता दोहोर्याउनु भयो ।
उम्मेद्वार चौधरीले “जनता नै विकासको मुख्य आधार हुन” भन्दै स्थानीय आवश्यकता पहिचान गरी योजनाबद्ध ढंगले अगाडि बढे मात्र समृद्ध निर्वाचन क्षेत्र निर्माण सम्भव हुने बताउनु भयो ।
कार्यक्रम एमाले नेता तथा लुम्बिनी प्रदेश सभा सदस्य विष्णु प्रसाद पंथी, प्रतिनिधी सभा निर्वाचन परिचालन कमिटी क्षेत्र नं. १ का संयोजक डम्मर शर्मा लगायतले मन्तब्य राख्नु भएको थियो ।
प्रतिक्रिया