काठमाडौँ, ४ फागुन
परराष्ट्रमन्त्री बालानन्द शर्मा बङ्गलादेशका प्रधानमन्त्रीको शपथग्रहण समारोहमा सहभागी हुनुहुने भएको छ । गत बिहीबार सम्पन्न निर्वाचनबाट बहुमतप्राप्त बङ्गलादेश नेश्नलिस्ट पार्टी (बिएनपी) ले त्यहाँ सरकार बनाउँदैछ । सो पार्टीको अध्यक्ष तारिक रहमान हुनुहुन्छ । मङ्गलबार हुने शपथग्रहण समारोहमा सहभागी हुन परराष्ट्रमन्त्री शर्मा आज त्यसतर्फ प्रस्थान गर्न लागेको उहाँको सचिवालयले जनाएको छ । उक्त भ्रमणले नेपाल र बङ्गलादेशबीचको द्विपक्षीय सम्बन्धलाई अझ सुदृढ बनाउने तथा आपसी सहयोगका सम्बन्धलाई थप प्रगाढ बनाउने मन्त्रालयले जनाएको छ । भ्रमणका क्रममा उहाँसँग मन्त्रालयका वरिष्ठ अधिकारीहरू पनि सहभागी हुनुहुनेछ । मन्त्री शर्मा यही फागुन ७ गते स्वदेश फर्किनुहुने कार्यक्रम रहेको छ । —
प्रतिक्रिया