कपिलवस्तु २३ असोज ।एमालेबाट चुनाव जितेर ‘घण्टी’ अगालेका बिजयनगर गाउपालिका उपाध्यक्ष लक्ष्मी चौधरी सहित चार जनप्रतिनिधि पदमुक्त भएका छन ।नेकपा एमालेबाट चुनाव जितेर पार्टी फेरेका ४ जना जनप्रतिनधि पदमुक्त भएका छन् । पार्टीको सिफारिसअनुसार निर्वाचन आयोगले आज सूचना निकालेर उनीहरू पदमुक्त भएको जानकारी गराएको हो ।
लुम्बिनी प्रदेशस्थित कपिलवस्तुको विजयनगर गाउँपालिकाकी उपाध्यक्ष लक्ष्मीकुमारी चौधरी र सोही गाउँपालिका( ५ नम्बरका वडाअध्यक्ष अनवर मोहमद मुसलमान पदमुक्त भएका हुन् । लक्ष्मीकुमारीले दुईपटक उपाध्यक्ष जितेकी थिइन् ।उनीहरू एमाले छाडेर रास्वपामा प्रवेश गरेका थिए ।
यसैगरी कोशीको भोजपुरस्थित भोजपुर नगरपालिकाकी उपमेयर निर्मला शेर्पा र ८ नम्बरका वडाध्यक्ष नवीन प्रधान पनि पदमुक्त भएका छन् । श्रम संस्कृतिमा लागेका उनीहरू दुवैजनाले हिजोमात्र राजीनामा दिएको घोषणा गरेका थिए ।२०७९ को स्थानीय तह निर्वाचनमा जितेका उनीहरू चारैजनाले पार्टीको विधान प्रतिकूल कार्य गरी दल त्याग गरेको भन्दै केन्द्रीय सचिवालयले कारबाहीको निर्णयसहित आयोगमा जानकारी गराएको थियो ।
प्रतिक्रिया