कोरोनाका लक्षण देखिएपछि ब्रिटेनका प्रधानमन्त्री जोनसन अस्पताल भर्ना

एजेन्सी, २४ चैत ।  ब्रिटेनका प्रधानमन्त्री बोरिस जोनसन कोरोनाभाइरसको सङ्क्रमण देखिएको १० दिनपछि अस्पताल भर्ना भएको डाउनिङ्ग स्ट्रीटले जनाएको छ । आइतवार साँझ जोनसनलाई लक्षणहरू  देखिएकोले अस्पताल भर्ना गरिएको हो । सरकारको जिम्मेवारी प्रधानमन्त्रीले नै सम्हाले पनि आज बिहान हुने कोरोनाभाइरससम्बन्धी बैठकको अध्यक्षता भने विदेशमन्त्रीले गर्ने अनुमान गरिएको छ । 

        प्रधानमन्त्रीको अस्पतालमा हुने परीक्षणलाई नियमित परीक्षणका रुपमा व्याख्या गरिएको छ । डाउनिङ्ग स्ट्रीटले निकालेको विज्ञप्तिमा भनिएको छ चिकित्सकको सल्लाहमा प्रधानमन्त्री आज राती परीक्षणका लागि अस्पताल भर्ना हुनुभएको छ । कोरोनाभाइरसको सङ्क्रमण देखिएको १० दिन बितिसक्दा पनि प्रधानमन्त्रीलाई लक्षणहरू निरन्तर उस्तै देखिएकोले यो कदम सावधानीका रुपमा चालिएको हा े। सरकारले सर्वसाधारणलाई घरभित्रै सुरक्षित बस्न सरकारले दिएको सुझाव मान्न पनि आग्रह गरेको छ ।