जापानका ७ प्रान्तमा आपतकाल घोषणा

एजेन्सी, २५ चैत । कोरोना भाइरसको महामारीका कारण जापानका ७ प्रान्तमा आपतकाल घोषणा गरिएको छ । आज (मंगलबार) देखि सुरु भएको आपतकालीन अवस्था आगामी मे ६ तारिखसम्म जारी रहनेछ । जापानी प्रधानमन्त्री शिन्जो आबेले संक्रमण प्रभावित ७ वटा प्रान्तमा एक महिनाको आपतकालीन अवस्था घोषणा गर्नुभएको छ ।

        जापानको राजधानी टोकियोसहित साईतामा, चिबा, खानागावा, ओसाका, ह्योगो र फुकुओकालाई अहिलेका लागि आपतकाल घोषणा गरिएको बताइएको छ । जापानले कोरोना नियन्त्रणका लागि चालेको महत्वपूर्ण निर्णयको रुपमा आपतकाल घोषणालाई लिइएको छ ।