कोरोना कहरः मृतकको संख्या ८२ हजार नाघ्यो, १४ लाख २८ हजार संक्रमित

एजेन्सी, २६ चैत । विश्वभर महामारीको रुपमा फैीलएको कोरोना भाइरस (कोभिड–१९) संक्रमणका कारण मृतकको संख्या ८२ हजार २० पुगेको छ । विश्वभर एकै दिन थप ७ हजार ३४१ ले ज्यान गुमाएका छन् । विश्वभर कोरोना संक्रमण १४ लाख २८ हजार ४२८ मा पुष्टि भइसकेको छ । त्यस्तै ३ लाख १९८ निको भएर घर फर्केका छन् । अमेरिकामा कोरोनाबाट ज्यान गुमाउनेको संख्या १२ हजार ८४४ पुगेको छ ।

इटाली र स्पेनमा भने तुलनात्मक रूपमा नयाँ संक्रमण र मृत्युदर घटेको छ । स्पेनमा थप ५ हजार २६७ नयाँ संक्रमित भेटिँदा इटालीमा ३ हजार ३९ मात्र भेटिएका छन्। त्यस्तै स्पेनमा गत २४ घण्टाभित्र ७०४ जनाले ज्यान गुमाएका छन्। सोही अवधिमा इटालीमा ६०४ को मृत्यु भएको छ। यससँगै इटालीमा ज्यान गुमाउनेका संख्या १७ हजार १२७ पुगेको छ भने स्पेनमा १४ हजार ४५ पुगेको छ जोन हप्कीन्स विश्व विद्यालयको तथ्याङ्कमा उल्लेख छ ।