अर्घाखाँचीमा प्रबेश पास अमान्य,जहावाट आएको हो त्यही फर्कनु पर्ने

अर्घाखाँची ३ बैशाख । अर्घाखाचीमा अन्य जिल्लाका पासले मान्यता नपाउने भएका छन् ।  कोरोना भाइरस अर्थात (कोभिड १९) को महामारीसँग लड्न गरिएको लकडाउनका बेला अन्य जिल्लाबाट पास लिएर आउनेलाई अबदेखि अर्घाखाँची जिल्ला प्रवेशमा अनुमती नदिने भएको हो। जिल्ला प्रमुख अधिकारी बिजय राज पौडेलका अनुसार अबदेखि अर्घाखाँचीमा अन्य जिल्लाबाट पास लिएर आएको भएतापनिक सम्बन्धित स्थानियतहको समन्वय बिना जिल्लामा अनुमती गराउन नसकिने भएको हो ।

    लकडाउनका अवधीमा अर्घाखाँचीका विभिन्न नाका हुँदै प्रवेश गर्नेको लहर नरोकिएको भन्दै जिल्ला प्रशासन कार्यालयले अन्य जिल्लाबाट पास लिएर आउनेलाई बुधवार देखि जिल्ला प्रवेशमा अनुमती नदिने भएको छ ।  यसैबीच सोमबार भैरहवावाट आएको सात जनाको समुह पाणिनी गाँउपालिका वार्ड नं ५ मैदान वर्थान मसिना  क्षेत्र हुँदै छिरेको थियो । यस्तै जिल्लामा बाहिरबाट पास लिएर आउने मानिस बढेको देखिन्छ ।