जाग्यो आशा कोरोना भाइरस : तीन भ्याक्सिनलाई परीक्षण अनुमति

एजेन्सी, ४ बैशाख ।  विश्वमा महामारीका रुप लिएर फैलिएको कोरोना भाइरसको भ्याक्सिन अझै पत्ता लागिसकेको छैन । यस्तो भयावह अवस्थाबीच चीन सरकारले ३ वटा भ्याक्सिन परीक्षणका लागि अनुमति दिएको छ । चीनको समाचार संस्था सिन्ह्वानेटमा प्रकाशित समाचार अनुसार ३ वटा सम्भावित भ्याक्सिनलाई चीन सरकारले क्लिनिकल परीक्षणका लागि अनुमति दिएको हो । 

        २ वटा भ्याक्सिन वुहान इन्स्टिच्युट अफ बायोलोजिकल प्रोडक्टले विकास गरेको हो भने अर्को चाइना नेशनल फर्मास्युटिकल ग्रुप र सिनोवाक रिसर्च एण्ड डेभलपमेन्टले संयुक्त रूपमा विकास गरेको बताइएको छ ।  चीन सरकारले कोभिड–१९ का ३ सम्भावित भ्याक्सिनलाई क्लिनिकल परीक्षणका लागि अनुमति दिएको विज्ञान र प्रविधि  मन्त्रालयले जनाएको छ । चिनियाँ अनुसन्धानकरताहरुले यो भ्याक्सिनले कोरोनाको उपचारमा सफल हुने दाबी गरेका छन् । कोरोनका कारण विश्वमा कोरोनाका कारण १ लाख ३४ हजार बढीले ज्यान गुमाइसकेका छन् । २० लाख ८२ हजार बढी संक्रमित छन् । दैनिक  हजारौं संक्रमित थपिएको अवस्था छ ।  विश्वका बैज्ञानिकहरु यसको खोजमा अहोरात्र खटिएका छन् र यसको दौडको उपाधी कुन देशले हात पार्छ अझै टुंगो भने छैन ।