प्रदेश १ मा कोरोना संक्रमित ३० जना

विराटनगर, १४ बैशाख । कोरोना भाइरस कोभिड–१९ बाट प्रदेश नं. १ मा ३० जना सङ्क्रमित देखिएका छन् । प्रदेशमा शनिबारसम्म ५ हजार २ सय १२ जनाको कोभिड–१९ को परीक्षणबाट ३० जना सङ्क्रमित फेला परेको मुख्यमन्त्री  कार्यालमा रहेको सूचना डेस्कले जानकारी दिएको छ ।

प्रदेशमा द्रूत परीक्षण विधि (आरडीटी) बाट ४ हजार २९८ जना  तथा थ्रोट स्वाब पिसीआरबाट ९१४ जनाको कोभिड–१९को  परीक्षण गरिएको छ । प्रदेश सरकारले निर्माण गरेका क्वारेन्टाइनमा बस्नेको सङ्ख्या शनिबारसम्म १ हजार २०४ छ भने भने स्वास्थ्यकर्मीहरुका निगरानीमा ३१ जना आइसोलेसनमा छन् ।