एजेन्सी, ७ जेठ । चिनको बुहानबाट सुरु भएर साढे ४ महिनाभन्दा बढी समयदेखि फैलिएको कोरोना भाइरसको महामारीबाट विश्वभर ३ लाख २४ हजार ८८९ जनाको मृत्यु भएको छ । विश्वका २१३ मुलुकमा फैलिएको कोरोना भाइरसको महामारीले ४९ लाख ८५ हजार ६६२ जना मानिस संक्रमित भएका छन् ।
कोरोना भाइरस संक्रमितमध्ये १९ लाख ५८ हजार ३१३ जना उपचारपछि निको भएर घर फर्केका छन् । २४ घण्टामा साढे ४ हजार बढीले ज्यान गुमाएका छन् भने करिब ९५ हजार जनामा संक्रमण पुष्टि भएको छ । विश्वका विभिन्न अस्पतालहरुमा २७ लाख २ हजार ४६० जनाको उपचार भइरहेको छ । उपचारारत मध्ये ४५ हजार ४२६ जनाको स्वास्थ्य अवस्था गम्भीर छ ।
कोरोना भाइरसकै संक्रमणबाट युरोपियन मुलुकहरुमा १ लाख साढे ६४ हजार बढीको मृत्यु भएको छ । त्यस्तै १८ लाख साढे १५ हजार बढी संक्रमित भएका छन् ।यस्तै एसियाली मुलुकहरुमा करिब साढे २५ हजार को मृत्यु भएको छ । ८ लाख ४१ हजार भन्दा धेरै संक्रमित भएका छन् ।
विश्वमै कोरोना भाइरसको महामारीको सबैभन्दा बढी प्रभाव अमेरिका पर्दै आएको छ । अमेरिकामा बुधबार विहान सम्म ९३ हजार ५३३ जनाको मृत्यु भएको छ । १५ लाख ७० हजार ५८३ जना संक्रमित भएका छन् । कोरोना भाइरुका कारण विश्वको अर्थव्यवस्था र जनजीवन व्यापक प्रभावित बनेको छ भने करोडौं मानिस बेरोजगार भएका छन् ।
प्रतिक्रिया