भारतमा १ लाख १२ हजार बढीलाई कोरोना भाइरसको संक्रमण

एजेन्सी, ८ जेठ । विश्वमा माहामारीको रुपमा फैलिदै गएको कोरोना भाइरस (कोभिड–१९) ले भारतमा संक्रमितको संक्रमितको संख्या १ लाख १२ हजार पार गरेको छ । भारतमा एकै दिन थप ५ हजार ५५३ जनामा संक्रमण देखिएसँगै त्यहाँ कुल संक्रमितको संख्या १ लाख १२ हजार २८ पुगेको हो ।

            भारतमा विहीबार विहानसम्म कोरोना भाइरसको संक्रमणबाट ३ हजार ४३४ जनाको मृत्यु भएको छ । २४ घण्टामा त्यहाँ थप १३२ जनाको मृत्यु भएको छ । कोराना भाइरसको संक्रमण फैलिने क्रम नरोकिएपछि भारतमा मार्च २४ देखिको लकडाउन ३१ मे सम्म पुर्‍याइएको छ । त्यस्तै भारतमा कोरोना भाइरसबाट निको भएर ४५ हजार ४२२ जना उपचारपछि घर फर्किसकेका छन् । कोरोना भाइरसले विश्वकै अर्थव्यस्था र बेरोजगारी दर ह्वात्तै बढेको छ विज्ञहरुले यस्तै अवस्था रहे भारतमा समेत भोकमरी लाग्न सक्ने भन्दै चिन्ता व्यक्त गरेका छन् ।