भारतमा कोरोना संक्रमित करिब १ लाख २५ हजार नजिक

एजेन्सी, १० जेठ ।  भारतमा कोरोना भाइरस (कोभिड–१९) को महामारी बढ्दो क्रममा रहेको छ ।  यससँगै भारतमा कोरोना भाइरस संक्रमितको संख्या १ लाख २५ हजार नजिक पुगेको छ । भारतमा एकै दिन थप ६ हजार ५६८ जनामा संक्रमण देखिएसँगै त्यहाँ कुल संक्रमितको संख्या १ लाख २४ हजार ७९४ पुगेको वल्डोमिटरको तथ्याङ्कमा उल्लेख छ ।

            शनिबार विहानसम्म  भारतमा कोरोना भाइरसको संक्रमणबाट ३ हजार ७२६ जनाको मृत्यु भएको छ । पछिल्लो २४ घण्टामा त्यहाँ थप १४२ जनाको मृत्यु भएको छ । कोराना भाइरसको  को संक्रमण फैलिने क्रम नरोकिएपछि भारतमा मार्च २४ देखिको लकडाउन ३१ मे सम्म पुर्‍याइएको छ । भारतमा कोरोना भाइरसको संक्रमणबाट ५१ हजार ८२४ जना निको भएर घर फर्केका छन् ।