एजेन्सी, ११ जेठ । विश्वभर महामारीको रुपमा फैलिएको कोरोना भाइरसको संक्रमण दर भारतमा पनि बढ्दै गएको छ । संक्रमित बढ्दै गएपछि भारतमा कोरोना भाइरस संक्रमितको संख्या १ लाख ३१ हजार नाघेको छ ।
एकै दिन थप ६ हजार ६२९ जनामा संक्रमण देखिएको छ । योसँगै भारतमा कुल संक्रमितको संख्या १ लाख ३१ हजार ४२३ पुगेको वल्डोमिटरको तथ्याङ्कमा उल्लेख छ । आइतबार विहानसम्म भारतमा कोरोना भाइरसको संक्रमणबाट ३ हजार ८६८ जनाको मृत्यु भएको छ ।
पछिल्लो २४ घण्टामा १४२ जनाको मृत्यु भएको छ । कोराना भाइरसको संक्रमण फैलिने क्रम नरोकिएपछि भारतमा मार्च २४ देखिको लकडाउन ३१ मे सम्म जारी रहने छ । भारतमा कोरोना भाइरस संक्रमित ५४ हजार ३८५ जना उपचारपछि निको भएर घर फर्केका छन् ।
प्रतिक्रिया