अमेरिकामा कोरोना भाइरसबाट मृत्यु हुनेको संख्या १ लाख नाघ्यो, १७ लाख २५ हजार बढी संक्रमित

एजेन्सी, १४ जेठ ।  चिनको बुहानबाट सुरु भएर विश्वभर महामारीको रुपमा  फैलिएको कोरोना भाइरसका कारण अमेरिकामा मृत्यु हुनेको संख्या १ लाख नाघेको छ । बुधबार विहानसम्म पछिल्लो २४ घण्टामा थप ७४४ जनाको मृत्यु भएको छ । योसँगै मृत्यु हुनेको संख्या १ लाख ५४९ पुगेको वर्ल्डोमिटर्सको तथ्याङ्कमा उल्लेख छ ।

            पछिल्लो २४ घण्टामा त्यहाँ १९ हजार १८५ जनामा संक्रमण पुष्टि भएको छ । योसँगै कुल संक्रमितको संख्या १७ लाख २५ हजार ४११ पुगेको छ ।अमेरिकामा संक्रमितमध्ये ४ लाख ७८ हजार ३४१ जना उपचारपछि निको भएका छन् । उपचार गराइरहेका ११ लाख ४६ हजार ४१३ जनामध्ये १७ हजार १५२ जनाको अवस्था गम्भीर रहेको छ ।

            अमेरिकामा मृत्यु हुनेको उक्त संख्या विश्वभर कोरोनाबाट मृत्यु हुनेको २८ प्रतिशतभन्दा बढी हो भने संक्रमितको संख्या विश्वभर संक्रमित हुनेको ३० प्रतिशतभन्दा बढी रहेको छ । विश्वमै सबैभन्दा बढी कोरोना भाइरसको चपेटामा अमेरिका परेको छ ।