आज मङ्गल चौथी भगवान् गणेशको विशेष पूजा आराधना गरी मनाइदै

कपिलवस्तु, २७ जेठ ।  हिन्दु धर्ममा मानिसहरुले कुनै पनि कार्य गर्दा बिध्न बाधा उत्पन्न नहोस् भनेर काम थालनी गर्नु पूर्व  सबैले भगवान श्री गणेशको आराधना र स्मरण गर्ने प्रचलन रही आएको छ । भगवान श्री गणेशलाई विशेष मङ्गलकारक देवताका रूपमा पूजा गर्ने प्रचलन छ। आज मङ्गलवारलाई भगवान् गणेशको दिनको रुपमा मान्ने चलन  छ।  भगवान गणेशको जन्म तिथि चतुर्थी पर्ने भएकाले आजको दिनलाई मङ्गल चौथी भनेर विशेष पुजा आराधना गरेर मनाइने गरिन्छ ।  मङ्गलवार भगवान् गणेशको व्रत बस्ने व्रतालुहरुले आजकै शुभ दिनदेखि व्रत प्रारम्भ गर्ने गरिन्छ ।

        भगवान् गणेश शुभफल प्रदान गर्ने देवताको रुपमा लिइन्छ आजको दिन श्रद्धा पुर्वक श्री गणेशको व्रत लिनाले गणेश भगवान प्रशन्न भइ व्रतालुहरुलाई चिताएको फल प्रदान गर्ने धार्मिक विश्वास रहेको छ। 

        श्रद्धा र भक्तिले गरिएको पूजाबाट गणेशजी प्रसन्नभई भक्तहरूको मनोकामना अवस्यनै पुरा गर्नुहुनेछ । कुनै नयाँ कार्यको श्री गणेश गर्नुपर्नेछ भने आजको दिन अति शुभ मानिन्छ। विघ्नेश्वर, वर दिनेवाला, देवताहरूकोपनि प्रिय, लम्बोदर, कलाहरूले परिपूर्ण, जगतको हित गर्ने वाला, हात्तिको समान मुख वाला र वेद तथा यज्ञबाट सुशोभित यस्ता पार्वती पुत्रलाई नमस्कार छ, हे गणनाथ, हजुरलाई नमस्कार छ ।  विघ्न हर्ता तथा सिद्धि दिने सिद्धि विनायक विशेष आजको दिन सबैको मङ्गलमय होस्।