सिद्धवावा भीरवाट हाइलक्स खस्यो २ को अवस्था गंभिर

रुपन्देही २ असार। रुपन्देहीको बुटवल तानसेन सडक खण्डको सिद्बाद्धबामा भीरबाट जिप खस्दा ६ जना घाईते भएका छन् ।ती मध्ये २ को अबस्था गंभिर रहेको प्रदेश ५ ट्राफिक प्रहरी कार्यालय बुटवलले जनाएको छ । प्रहरीका अनुसार  प्रदेश ३—०१—२२च ४५२२ नम्बरको डबल क्याप हाइलक्स जीप खस्दा ६ जना घाईते भएका हुन् । ६ जनालाई नै उपचारका लागि बुटवल ल्याईएको छ । घाईतेहरू सबै पाल्पा तिनाउ गाउपालिका ३ दोभानका रहेको ट्राफिक प्रहरी कार्यालयका डीएसपी डिल्लीनारायण पाण्डेले जानकारी दिनु भयो ।

        दुर्घटनामा घाइते हुनेमा  दया पाण्डे, बालकृष्ण बस्याल, शिव पाण्डे, नन्दु बस्याल, कृष्ण बस्याल र बिनोद बस्याल रहेका छन् । घाइते ६ जनामध्ये २ जनाको अवस्था गम्भीर रहेको प्रदेश- ५ ट्राफिक प्रहरी कार्यालय बुटवलका प्रहरी नायव उपरीक्षक डिल्ली नारायण पाण्डेले बताउनु भयो ।घाइतेहरू सबै तिनाउ गाउँपालिकाका टिपर व्यववसायी रहेको बताइएको छ । घाइतेहरूलाई सुरक्षाकर्मी र स्थानीयले उद्धार गरेका थिए ।