भारतमा एकैदिन २८ हजार बढीमा संक्रमण, कोरोना संक्रमितको संख्या ९ लाख नाघ्यो

एजेन्सी, ३० असार । एसियामा सबैभन्दा बढी र विश्वमा तेस्रो सूचीमा रहेको भारतमा कोरोना संक्रमितहरु बढ्दै गएका छन् ।  भारतमा २८ हजार १७९ जना पछिल्लो २४ घण्टाका संक्रमित भएका छन् । गत चार दिनमा एक लाखभन्दा बढी संक्रमित थपिदा भारतमा कोरोना संक्रमितको संख्या ९ लाख नाघेको छ ।

            वल्डोमिटर्सको तथ्याङ्क अनुसार  मंगलबार बिहान यो समाचार तयार पार्दासम्म ९ लाख ७ हजार ६४५ जना संक्रमित पुष्टि भएका छन् ।  यस्तै संक्रमणले मृत्यु हुनेको संख्या २३ हजार ७२७ पुगेको छ । पछिल्लो २४ घण्टामा थप ५४० जनाको मृत्यु भएको छ ।

        अहिलेसम्म संक्रमितमध्ये ५ लाख ७२ हजार ११२ जना निको भएका छन् । कोरोना संक्रमित ३ लाख ११ हजार ८०६ जनाको उपचार भइरहेको छ । भारतमा कोरोना संक्रमित बढ्नु चिन्ताको विषय भएको स्वास्थ्यकर्मीहरुले बताएका छन् ।