कोरोनावाट लुम्विनी प्रदेशमा मृत्यू हुनेको संख्या १७ प्रतिशत

रुपन्देही ८ कार्तिक । लुम्विनी प्रदेशमा मृत्यू हुनेको संख्या १७ प्रतिशत पुगेको छ ।  नेपालमा कोरोना संक्रमणबाट मृत्यु हुनेको संख्या ८ सय ४२ पुगेको छ । यस्तै लुम्विनी प्रदेशममा कोरोना संक्रमणवाट अहिले सम्म १ सय ४१ जनाको ज्यान गएको छ । लुम्बिनी प्रदेश स्वास्थ्य निर्देशनालयले दिएकोजानकारी अनुसार हाल सम्म  मृत्यू भएकाको देशभरमा तुलना गरेर प्रतिशतमा हेर्दा १७ हुन आउछ । स्वास्थ्य तथा जनसंख्या मन्त्रालयका अनुसार २४ घण्टामा थप १३ जनाको कोरोनाबाट मृत्युको हो । 

     यसैविच रुपन्देहीमा थप एकजना कोरोना संक्रमितको मृत्यु भएको छ । तिलोत्तमा नगरपालिका वडा नंं. ७ का ७५ वर्षीय पुरुषको कोरोना अस्पताल बुटवलमा शनिबार बिहान मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले वताउनु भयो । रुपन्देहीमा हाल सम्म ५६ जनाको निधन भएको छ । यस्तै  पाल्पामा थप एकजना कोरोना संक्रमितको मृत्यु भएको छ । तानसेन नगरपालिका–१ गैरागाउँका ५६ वर्षीय पुरुषको मिसन अस्पताल तानसेनमा उपचारका क्रममा शनिबार बिहान मृत्यु भएको हो । यो संगै पाल्पामा कोरोना संक्रमणबाट मृत्यु हुनेको संख्या ८ पुगेको छ ।