शैक्षिक अभियानकर्मी विष्टको निधन

काठमाडौँ २८ कार्तिक । कालीकोटका शैक्षिक अभियानकर्मी कालीबाहन विष्टको ६८ वर्षका उमेरमा निधन भएको छ । लामो समयदेखि मधुमेहका बिरामी विष्टको काठमाडौँमा उपचारका क्रममा आज बिहान निधन भएको छोरा रोहनले जानकारी दिए ।  नरहरिनाथ गाउँपालिका – ८ लालु स्थायी घर भएका विष्टले लामो समय जिल्लाका विभिन्न विद्यालयमा अध्यापन गरेका थिए ।  उनी कालीकोटमा शिक्षाको ज्योति फैलाउने अग्रणी व्यक्तित्व भएको  गाउँपालिकाका अध्यक्ष धीरबहादुर विष्टले बताए ।