आज थप १ हजार ३ सय ८२ जनामा कोरोना सङ्क्रमण पुष्टि

काठमाण्डौ २३ मंसिर । आज थप १ हजार ३ सय ८२ जनामा कोरोना सङ्क्रमण पुष्टि भएको  छ ।  त्यस्तै गएको २४ घण्टामा एक हजार ६ सय २१ जना निको भएर फर्किएसँगै डिस्चार्ज हुनेको सङ्ख्या दुई लाख २९ हजार ५४ पुगेको स्वास्थ्य तथा जनसङ्ख्या मन्त्रालयले जनाएको छ । । अब नेपालमा १२ हजार ६ सय ८६ जना सक्रिय सङ्क्रमित आइसोलेशनमा रहेका छन् । यस्तै पाँच सय २३ जना क्वरेण्टीनमा रहेको मन्त्रालयले जनाएको छ । २४ घण्टामा थप २३ जना सङ्क्रमितको ज्यान गएसँगै कोरोनाबाट ज्यान गुमाउनेको सङ्ख्या एक हजार ६ सय ३७ पुगेको छ ।यो सगंैँ नेपालमा कोरोना भाइरसका सङ्क्रमितको सङ्ख्या दुई लाख ४३ हजार तीन सय ७७ पुगेको छ ।