प्रधानमन्त्री केपी शर्मा ओली आज निर्वाचन आयोग जाँदै

काठमाडौँ २७ माघ । निर्वाचन तयारी र आफ्नो पार्टी नेकपाभित्रको विवादलगायतका विषयमा कुराकानी गर्न प्रधानमन्त्री केपी शर्मा ओली आज (मंगलबार) निर्वाचन आयोग जाँदै हुनुन्छ ।आयोगले यसअघि नेकपाका दुवै शीर्ष नेतालाई छलफलका लागि बोलाएको थियो तर दुवै पक्षले आफ्ना प्रतिनिधि मात्रै पठाउनु भएको थियो  ।लगत्तै पार्टीको आधिकारिकता दाबी गर्न नेकपाका पुष्पकमल दाहाल र माधव नेपाललगायतका नेताहरू आयोग पुग्नु भएको थियो  ।

प्रधानमन्त्री ओली भन्नु भयो पार्टीमा विवाद सुरु भएपछि आयोग जानु भएको छैन  ।ओली जसरी पनि निर्वाचनमा जानुपर्ने पक्षमा रहनु भएको छ  । त्यसैले उहाँले आयोगले चुनावी कार्यक्रम अघि बढाउनुपर्ने धारणा राखिरहनु भएको छ  । यसै सन्दर्भमा चुनावका कार्यक्रमलगायत विषयमा आयोगको ध्यानाकर्षण गराउन उहाँ आयोग पुग्न लागेको स्रोतले जनाएको छ । बिहान ११ बजे ओली आयोग जाने तयारी छ ।