काठमाण्डौ ११ चैत्र । आज गण्डकी, कर्णाली र सुदूरपश्चिम प्रदेशका केही ठाउँ र बाँकी प्रदेशका पहाडी क्षेत्रका एक\दुई ठाउँमा मेघगर्जन र चट्याङ्गसहित पानी पर्ने सम्भावना रहेको छ ।यी क्षेत्रमा आवस्यक सतर्कता अपनाउन मौसम पूर्वानुमान महाशाखाले आग्रह गरेको छ । अहिले पहाडी क्षेत्रमा आंशिक देखि सामान्य बदली रहेको र बाँकी ठाउँको मौसम सफा रहेको महाशाखाले जनाएको छ । अहिले नेपालमा स्थानीय वायुसँगै पश्चिमी वायुकोसमेत प्रभाव रहेको छ ।यस्तै आज राति पहाडी क्षेत्रको मौसम आंशिक देखि सामान्य बदली रहनेछ भने बाँकी ठाउँको मौसम आंशिक बद्ली रहने महाशाखाले जनाएको छ । देशको पहाडी क्षेत्रको एक वा दुई ठाउँमा मेघ गर्जन र चट्टयाङ्गसहित पानी पर्ने सम्भावना रहेको महाशाखाका मौसमविदले बताएका छन् ।
११ चैत्र २०७७, बुधबार
प्रतिक्रिया