काठमाण्डौ, ५ असोज । नेपाल कम्युनिष्ट पार्टी ९एकीकृत समाजवादी० को केन्द्रीय समिति बैठक आज काठमाडौंमा बस्दैछ ।नेकपा ९एमाले० बाट अलग हुनु भएका माधवकुमार नेपालको नेतृत्वमा बनेको पार्टीको पहिलो पटक केन्द्रीय समिति बैठक बस्न लागेको हो ।बुधबारसम्म बस्ने बैठकमा समसामयिक राजनीतिक विषयवस्तु, देशभर संगठन विस्तारका लागि आवश्यक रणनीतिमा छलफल गरिने केन्द्रीय सदस्य दिलुकुमारी पन्तले जानकारी दिनुभयो ।
बैठकमा पार्टीका विभिन्न विभाग, जनवर्गीय संगठन, सम्बन्धित आयोगका गठन, पुर्नगठन, विस्तार तथा सुदृढीकरणका लागि आवश्यक छलफल गरिने बताइएको छ । बैठकमा सरकारलाई सफल बनाउन पार्टीले निर्वाह गर्नुपर्ने भूमिका, सरकारमा सहभागिताको विषय, राजनीतिक सङ्गठन प्रबद्र्धनका लागि राष्ट्रियस्तरमा के कसरी अभियान सञ्चालन गर्ने भन्ने विषयमा समेत छलफल हुनेछ ।बैठकमा ११३ केन्द्रीय सदस्यको सहभागिता हुनेछ । पार्टीले अहिलेसम्म देशका ५५ जिल्लामा कार्यसमिति गठन गरेको छ ।
प्रतिक्रिया