काठमाण्डौ,१६ असोज । अदालतको अवहेलनासम्बन्धी मुद्दामा चार जना पूर्व प्रधानन्यायाधीशले सफाई पाएका छन् । शुक्रवार प्रधानन्यायाधीश चोलेन्द्रशमशेर जबरा र न्यायाधीश सपना प्रधान मल्लको संयुक्त इजलासले पूर्व प्रधानन्यायाधीशमाथि लागेको अवहेलना मुद्दा खारेज गरिदिएको हो ।
तत्कालीन प्रधानमन्त्री केपी शर्मा ओलीले पहिलो पटक प्रतिनिधिसभा विघटन गर्दा पूर्व प्रधानन्यायाधीशहरू मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्कीले ‘असंवैधानिक’ भन्दै विज्ञप्ति निकाल्नु भएको थियो । यो विषय अदालतमा पुगिसकेको र पूर्व प्रधानन्यायधिसले अदालतलाई प्रभाव पार्ने गरी विज्ञप्ति निकालेको भन्दै अधिवक्ता लोचन भट्टराई र धनजीत बस्नेत लगायतले अदालतको अवहेलना सम्बन्धी रिट दर्ता गराउनुभएको थियो ।
प्रतिक्रिया