अनेक थरी फुलका विरुवा रोपिए ,आफ्नो क्याम्पस आफै बनाऔं :अनेरास्वबियू

कपिलवस्तु १७ असोज । अनेरास्वियु सिद्धार्थ क्याम्पस कमिटीको आयोजनामा क्याम्पस परिसरमा वृक्षा रोपण गरिएको छ । क्याम्पसलाई सरसफाई र हराभरा बनाउन करिब एक सय फुलका विरुवाहरु रोपिएको हो । क्याम्पस परिसरमा सयपत्री,मखमली,गुलाब लगायत जातका फुलका विरुवाहरु रोपिएको हो । उक्त कार्यक्रममा  अनेरास्ववियुका केन्द्रीय सदस्य तथा सिद्धार्थ क्याम्पसका स्ववियु सभापति शुसिल खत्रीले विरुवा रोपेर कार्यक्रमको शुरुवाँत गर्नु भएको थियो ।

आफ्नो क्याम्पसलाई आफै नै राम्रो बनाउनु पर्ने विद्यार्थीको दायित्व भएको उहाँले जनाउनु भयो । स्ववियुका सचिव दिनेश चौधरीको अध्यक्षता स्ववियुका सचिवालय सदस्य सन्दिप न्यौपानेको सञ्चालनमा भएको कार्यक्रममा क्याम्पस प्रमुख खेमराज शर्माले बोल्दै विद्यार्थीले गरेको कामलाई सह्राना गर्नु भएको थियो । 

अखिलका सागर बन्जाडेको स्वागतमा भएको  कार्यक्रममा विद्यार्थीहरु कोपिला गिरी , अन्जित खनाल , क्रान्तिकारीका पुष्कर भुषालले समेत आआफ्नो धारणा राख्नु भएको थियो । कार्यक्रममा विद्यार्थीहरुको बाक्लो सहभागिता रहेको थियो ।