मुगु दुर्घटनाबाट मृतकका परिवारलाई क्षतिपूर्ती र घाइतेहरुको निःशुल्क स्वास्थ्योपचार : प्रचण्ड

काठमाडौँ, २८ असोज । नेकपा माओवादी केन्द्रका अध्यक्ष पुष्पकमल दाहाल प्रचण्डले दशैँकै मुखमा मुगुमा भएको भयानक बस दुर्घटना र त्यसमा ३२ जना यात्रुको मृत्यु भएको खबरले सबैलाई स्तब्ध बनाएको बताएका छन्।साथै, कास्की, अछाम लगायत देशका विभिन्न भागहरुमा भएका सडक दुर्घटनाका खबरले थप मर्माहत बनाएको विज्ञप्तिमार्फत उनले जनाएका छन् ।दुर्घटनामा ज्यान गुमाएकाहरु प्रति प्रचण्डले श्रद्धाञ्जली अर्पण गर्दै शोक सन्तप्त परिवार तथा आफन्तजनमा समवेदना प्रकट गरेका छन् ।                      उनले दुर्घटनामा परी ज्यान गुमाउनेका परिवारलाई उचित क्षतिपूर्ती र घाइतेहरुको निःशुल्क स्वास्थ्योपचारका लागि सरकारसँग आग्रह पनि गरेका छन् ।