जंगलवाट लुटियो ब्यापारीको ३ लाख

तुलसीपुर९ कात्तिक । सल्यानको कपुरकोट स्थित एक जंगलमा लुटपाट भएको छ । जिल्ला प्रहरी कार्यालय सल्यानका सुचना अधिकारी एवं प्रहरी निरीक्षक अर्जुन पौडेलका अनुसार कपुरकोट गाउँपालिका वडा नम्वर १ कालापात्ला जंगलमा एक व्यापारी माथी लुटपाट भएको हो ।   तरकारी खरिद गर्नका लागी नेपालगंजबाट सल्यान तर्फ जादै गरेका सेराज हलुवाई माथी अज्ञात समुहले लुटपाट गरेको उहाले जानकारी दिनुभयो । उनीहरुले हलुवाईको साथबाट तिन लाख नगद, एक थान मोवाएल र रा १ ख २३९१ नम्वरको मिनिट्रक गाडीको चाँवी समेत बरामद गरी फरार भएको प्रहरीले बताएको छ ।     अज्ञात समुहले जंगलमा गाडी रोकेर धारिलो हतियार देखाई लुटपाट गरेको पिडितले प्रहरी सामु बयान दिएको प्रहरीले बताएको छ ।लुटपाट घटनामा संलग्न भएकाहरु फरार भएको र उनीहरुको खोजीकार्य भईरहेको प्रहरीले बताएको छ ।