कपिलवस्तु १४ मंसिर ।नेपाली कांग्रेस कपिलवस्तुको सभापति पदमा महाराजगंजका मेयर समेत रहनु भएका अब्दुल कलाम विजयी हुनुभएको छ । आज विहान सम्पन्न मतगणनामा कलामले सभापतिका अर्का प्रत्यासी पूर्व सभापति समेत रहेका राजेश आचार्यलाई १०९ मत अन्तरले पराजित गर्नुभएको हो । जिल्ला सभापतिको लागि रामचन्द्र पौडेल पक्षका कलाम र पार्टी सभापति शेर बहादुर देउवा पक्षका राजेश आचार्यबीच चुनाव भएको थियो । जहा सस्थापन पक्ष पराजित हुन पुगेकोछ ।
कुल खसेको १७ सय ६५ मतमा विजयी कलामले ९२८ र पराजित हुनुभएका राजेश आचार्यले ८१९ मत ल्याउनु भएको हो । यस्तै दुई उपसभापतिपदमा रजतराज आचार्य र हुमकान्त खनाल निर्वाचित हुन भएको छ । दुई सचिवमा युवा नेता शक्ति सिँह ठकुरी र अनुभवि नेता प्रेम बहादुर सिंह रायमाझी विजयी विजयी हुनुभएको छ ।यस्तै सहसचिवमा विरेन्द्र कुमार शुक्ला र वजिह अरसद निर्वाचित हुनु भएको छ ।
प्रतिक्रिया