अर्घाखाँची २० फागुन -शितगंगा नगरपालिका वडा नम्बर ४ मा भुइमा रहेको तारले करेन्ट लाग्दा १ जना बालक गम्भीर घाइते भएका छन । बाटोको छेउमै पोलबाट भुइमा आएको तार महिनौ सम्म प्राधिकरणले ब्यवस्थापन नगर्दा वडा नम्बर ४ निवासी १२ बर्षिय सन्दिप सुनार गम्भीर घाइते भएका छन ।
इ.प्र.का ठाडाका अनुसार घडेरी खन्नेक्रममा पोलको स्टे तार निकालर ब्यवस्थापन नगरी छाड्दा तार सट भएर करेन्ट प्रवाह भएकोले करेन्ट लागेको हुन सक्ने प्रहरी निरिक्षक सन्दिप बेल्बासेले जानकारी दिनु भयो । बेल्बासेले बिद्युत प्राधिकरण र घडेरी खन्नेको लापरबाहीका कारण करेन्ट लागेको बताउनु भयो । घाइते बालकको लुम्बिनी प्रदेशिक अस्पताल बुटवलमा उपचार भइरहेको छ।
प्रतिक्रिया