इनारमा डुबेर कपिलवस्तुमा एकजनाको मृत्यु

कपिलवस्तु, २८ जेठ । कपिलवस्तुको कृष्णनगर नगरपालिका ९ बहादुरगन्जमा एक युवक मृत भेटिएका छन ।
विहिबार देखि हराएका बहादुरगन्जका हरि नारायण कहाँरको बर्ष १९ का छोरा अर्जुन कहाँर इनारमा डुबेको अवस्थामा मृत फेला परेको प्रहरी कार्यालय बहादुरगन्जका प्रहरी नायब निरीक्षक दिपेन्द्रराज गिरीले जानकारी दिनु भयो ।

कहाँर बहादुरगन्ज स्थित राम गोरखा माध्यमिक विद्यालय नजिकै रहेको इनारमा डुबेको अवस्था फेला परेका हुन । मृत्यु शवलाई पोस्टमाटोम गर्न शिवराज अस्पताल बहादुरगंज पठाइएको इलाका प्रहरी कार्यालय बहादुरगंजका नयाब निरीक्षक गिरीले बताउनु भयो ।