अर्घाखाँचीको मालारानीमा श्रीमतीको हत्या आरोपमा श्रीमान् पक्राउ

असार १०,
अर्घाखाँची : अर्घाखाँचीको मालारानी गाउँपालिका(२ डाँडाकटेरीमा श्रीमतीको हत्या आरोपमा श्रीमान् पक्राउ परेका छन् ।
डाँडाकटेरीका २७ वर्षीय कमल भुसाललाई २७ वर्षीया श्रीमती सरु भट्टराई भुसालको हत्या आरोपमा पक्राउ गरिएको जिल्ला प्रहरी कार्यालय अर्घाखाँचीका प्रहरी निरीक्षक अर्जुन पौडेलले बताउनु भयो ।
भुसालले आफूहरु दुबै जना घरबाट नजिकैको जङ्गलमा घाँस दाउरा लिन गएको र आफूले कम्मरमा बाँधेको गम्छाले श्रीमतीको घाँटी कसेर हत्या गरेको बयान दिएका प्रहरी निरीक्षक पौडेलले बताउनु भयो । श्रीमतीको हत्यापछि भुसाल आफैँ प्रहरी चौकी पुगेका थिए ।
प्रहरी निरीक्षक पौडेलले घटना बारे अनुसन्धान भइरहेको जानकारी दिनुभएको छ ।