सिद्धबाबा खण्डको दर्जनौ ठाउँमा पहिरो, सिद्धार्थ राजमार्ग अवरुद्ध

रुपन्देहि, १४ असार । विहानैदेखिको वर्षाले विभिन्न ठाउँका सडक अवरुद्ध भएका छन् । मँगलबार विहानैदेखि वर्षा भएपछि बुटवल–पाल्पा सडक अवरुद्ध भएको छ ।

लुम्बिनी प्रादेशिक ट्राफिक कार्यालय बुटवलले दिएको जानकारी अनुसार बुटवल–पाल्पा सडक अन्तरगत सिद्धबाबा नजिकै माथिबाट आएको भेलका कारण सडक अवरुद्ध छ । वर्षाले सडकमाथिबाट आएको छिहिराको बहाव बढी भएपछि आवागमननै ठप्प भएको हो । यसैगरी पूर्व–पश्चिम राजमार्ग अन्तरगत नवलपरासीको अरुण खोलामा सडक अवरुद्ध भएको छ । खोलामा बाढी आएपछि सडक अवरुद्ध भएको ट्राफिक प्रहरी कार्यालयले जनाएको छ । अवरुद्ध भएका दुबै ठाउँमा वर्षा कम भएपछि मात्रै सडक खुल्ने जनाइएको छ ।