दुर्घटनामा परि दाङमा दुई जनाको मृत्यु, दुई घाइते

दाङ, १७ असार । दाङको घोराहीमा भएको दुर्घटनामा दुुई जनाको ज्यान गएको छ । दुई जना घाइते भएका छन् । घोराही उपमहानगरपालिका–७ बेसाइमा रा ३ प २९२२ नम्बरको मोटरसाइकलले साइकललाई ठक्कर दिएको प्रहरी नायब उपरीक्षक मुुकुन्दप्रसाद रिजालले जानकारी दिनुभयो ।

दुर्घटनामा परि मोटरसाइकल चालक घोराही–१५ का ३५ वर्षीय गङ्गाबहादुर कुँवर र साइकलयात्री घोराही–७ का १६ वर्षीय रितेश केसीको ज्यान गएको प्रहरीले जनाएको छ । मोटरसाइकलमा रहेका घोराही–७ का ३८ वर्षीय वसन्त चौधरी र साइकलयात्री १५ वर्षीय विनोद भण्डारी घाइते भएका छन् । घाइते दुवैको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।