.
कपिलवस्तु, २२ असार ।
युवा व्यवसायि तिलक गिरीले कपिलवस्तु तौलिहवामा रहेको बाल गृहमा आर्थिक सहयोग गरेर जन्मोत्सव मनाउनु भएको छ । गिरीले आफ्नो ३५ औँ जन्मोत्सवको अवसरमा कपिलवस्तु वाल गृहका बेसाहारा वालकहरुलाई रु १५ हजार १ सय सहयोग गर्नुभएको हो । गरिले बाल गृहका सञ्चालक राम प्रसाद अर्याल लाई आर्थिक हस्तान्तरण गर्नुभएको हो ।
बाणगंगा नगरपालिका वडा नं. ७ निवासी गिरीले जन्मोत्सवको अवसरमा कपिलवस्तु वाल गृहका बेसाहारा वालकहरुलाई भोजन पनि गराउनुभएको छ। वि.स. २०४४ असार २२ गतेका दिन जन्मिनुभएका गिरीले जन्मोत्सवको अवसरमा सामाजिक रुपान्तरणको काम गर्नका लागि प्रेरणा प्रदान गर्ने उद्देश्यका साथ यो कार्य गरिएको बताउनुभयो ।
जन्मोत्सवमा फजुल खर्च गरि अनेक तरिकाबाट खुसी बनाउने प्रचलन बढिरहेका बेला गिरीले गतिलो उदाहरण समाजमा पेश गर्नु भएको छ। उहाँले विगतका बर्ष पनि जन्मोत्सवको अवसरमा अन्य मानवीय तथा सामाजिक कार्य गर्दै आउनुभएको छ । व्यवसायि गिरीले फजुल खर्च गर्नुको साटो गरिव, विपन्न तथा अशक्तहरुलाई जन्मोत्सवको अवसरमा सक्दो सहयोग गर्न सम्पुर्णलाई आग्रह गर्नुभयो ।
भोजन ग्रहण गरेसंगै वाल गृहका वालकहरुले युवा व्यवसायि तिलक गिरी, उहाँकी धर्मपत्नी लगायत परिवारलाईधन्यवाद दिंदै समुज्ज्वल भविष्यको कामना गरेका थिए ।
प्रतिक्रिया