काठमाडौं, ११ असोज ।
नेपाली काँग्रेसका प्रभावशाली नेता डा चन्द्र भण्डारीले समानुपातिक प्रणाली कसैको दाईजो नभएकाले मनलाग्दी बाँड्न नपाउने चेतावनी दिनु भएको छ । संसदमा प्रतिनिधित्व गराउनु पर्ने बर्ग तथा समुदायलाई समेट्नका लागि ल्याइएको समानुपातिक प्रणालीको दुरुपयोग भएको उहाँको भनाई थियो ।
उहाँले भन्नुभयो, यो प्रणाली कसैको पेवा होईन, मनलाग्दी बाड्न मिल्दैन, यसको आफ्नै मर्म र उद्धेश्य छ । उहाँले पार्टी भित्र समानुपातिक निर्वाचन प्रणालीको दुरुपयोग नहोस भनेर खवरदारीको आवाज उठेको बताउनु भयो । पार्टीलाई कमजोर नबनाईयोस भनेर आवाज उठाउनेहरुले पार्टीलाई कमजोर बनाउने कुरै नहुने नेता भण्डारीको भनाई छ ।
पार्टी भित्रको विक्रिती विसंगती न्युनिकरण गर्नका लागि भइरहेको गतिविधिलाई किचलो र विवादको रुपमा लिन नहुने उहाँले तर्क गर्नुभयो । देशभरी युवालाई स्थान दिनुपर्ने आवाज उठिरहेकाले काँग्रेसले पनि नयाँ र युवाहरुलाई प्राथमिकता दिनुपर्नेमा उहाँले जोड दिनुभयो । पार्टी भित्र सबैलाई समान अवसर र न्याय दिन सकेमा मात्रै काँग्रेस मजबुद हुने भएकाले नेतृत्वले त्यस तर्फ ध्यान दिनुपर्ने उहाँले बताउनु भयो ।
प्रतिक्रिया