दाङमा बियरको बोतलले हिर्काउँदा दुई जना घाइते

दाङ, ११ कार्तिक । दाङको तुलसीपुर उपमहानगरपालिका ३ बारमौजामा बियरको बोतलले हानेर दुई जना घाइते भएका छन् ।

गएराति तुलसीपुर उपमहानगरपालिका ३ बारमौजाका टीकाराम केसी लगायतको समूहले सामान्य विवादमा बियरको बोतलले हान्दा १९ वर्षीय आशिष थापा र २२ वर्षीय झरेन्द्र थापा घाइते भएका इलाका प्रहरी कार्यालय तुलसीपुरले जानकारी दिएको छ ।

घाइते दुवै जनाको अहिले राप्ति प्रादेशिक अस्पताल तुलसीपुरमा उपचार भइरहेको छ । घटनामा संलग्न व्यक्तिहरु फरार रहेको र उनीहरुको खोजी भइरहेको प्रहरीले जानकारी दिएको छ।