रुपन्देहीमा एक दम्पती मृत भेटिए

काठमाण्डौ, २१ कार्तिक । रुपन्देहीमा एक दम्पती मृत अवस्थामा भेटिएका छन् । देवदह नगरपालिका वडा नम्बर ५ पाल्पाली टोलका ३६ वर्षीय बालेन्द्र जोल्मी मगर र उहाँकी श्रीमती ३२ वर्षीया हेमकला मृत भेटिनु भएको हो । उहाँहरु आफ्नै घरमा बिहान मृत भेटिनुभएका प्रहरीले जनाएको छ।

प्रहरीका अनुसार बालेन्द्र वैदेशिक रोजगारीबाट चार दिनअघि मात्रै घर फर्किनु भएको थियो । छिमेकीहरूले घरमा झैँझगडा तथा होहल्ला गरेको केही थाहा नभएको बताएका छन् । बालेन्द्र र हेमकलाका ८ वर्षीय छोरा छन् । प्रहरीका अनुसार छोरा हिजो आफन्तकोमा सुत्न गएका थिए । घटनाको अनुसन्धान भइरहेको प्रहरीले जनाएको छ।