हरि घिमिरे
कपिलवस्तु, २५ कार्तिक ।
वाम लोकतान्त्रिक गठबन्धनबाट कपिलवस्तुको क्षेत्र नम्बर १ मा प्रतिनिधि सभा सदस्य पदमा उम्मेदवार रहेका चक्रपाणी खनाल बलदेवले अबको ५ बर्षको सरकार गठबन्ध्नको हुने दावी गरेका छन् । चुनाव प्रचारप्रसारको घरदैले अभियानको लागि शुक्रबार वाणगंगा नगरपालिका ८ बालापुरमा भएको सभालाई सम्बोधन गर्ने क्रममा उम्मेदवार बलदेवले अबको सरकार आफूहरुकै बन्ने ठोकुवा गरेका हुन् ।
अहिले मुलकमा २ खालको गठबन्धन रहेको बताउँदै उनले जनताले जिताउने गठबन्धन भनेको अग्रगामी गठबन्धन रहेको बताए । उनले भने ‘त्यो गठबन्धन भनेको काँग्रेस माओवादीसहित ५ दलको गठबन्धन हो । यसले संविधान जोगाउँछ । यसले परिवर्तन संस्थागत गर्छ । विकास गर्छ । जनताहरुले बुझ्नु पर्छ यहाँ अर्को पश्चगामी गठबन्ध्न छ । त्यो भनेको एमालकोे गठबन्धन हो । एमालेले मरेको लास बोकेर हिँडेको छ राजतन्त्र । फेरि पनि उनीहरु सत्तमा गए भने मुलुकमा भ्रष्टाचा र बेथिति बढ्ने, संविधान च्यातिने खतरा छ ।’
गाउँघरका ससाना समस्या पनि एमाले सरकारले समाधान गर्न नसकेको उनले बताए । वाणगंगामा थुप्रै भूमिहिन सुकुम्बासी समस्या रहेको बताउँदै आफूहरुले बनाएको भूमि आयोगले चुनावपछि लालपुर्जा दिने उनको दावी छ । सुकुम्बासी समस्याको समाधान चुनावी मुद्धा मात्र बनाएर नहुने भन्दै उनले गठबन्धनको सरकारले स्थायी समाधान गर्ने बताए । वाणगंगा ८ मा रहको मायादेवी रंगशाला अन्र्तराष्ट्रिय स्तरको बनाइने, कृषि उद्यमको विशेष भूमि, वडा नम्बर ८ लाई बनाइने समेत बलदेवको दावी छ ।
प्रतिक्रिया