पाल्पा २९ कार्तिक । जिल्ला प्रशासन कार्यालय पाल्पाले आज मँलबारदेखि लागू हुनेगरी मतगणना सम्पन्न नहुँदासम्म मदिरा बिक्री वितरणमा रोक लगाएको छ । प्रतिनिधि तथा प्रदेशसभाको निर्वाचनलाई निष्पक्ष, भयरहित र शान्तिपूर्ण वातावरणमा सम्पन्न गर्नका लागि मदिरा बिक्री वितरणमा रोक लगाइएको प्रमुख जिल्ला अधिकारी जगन्नाथ पन्तले बताए ।
जिल्लाभर सबै प्रकारका मदिराजन्य पदार्थ किनबेच, ओसारपसार र सेवनमा रोक लगाइएको हो । कुनै पनि प्रकारको मदिरा बिक्री, ओसारपसार र सेवन गर्नेलाई कानुनबमोजिमको कडा कारबाही हुने ताइएको छ । त्यस्तै जिल्ला प्रशासन कार्यालय पाल्पाको अत्यावश्यकसहितको सेवा मंसिर १ गते देखि ५ गतेसम्म स्थगित गरिएको छ । कर्मचारीहरू मतदानस्थलमा खटिएकाले शान्ति सुरक्षा, मुद्दा, ठाडो उजुरी र अत्यावश्यकबाहेकका सेवा स्थगित हुने भएको छ । जिल्ला प्रशासन कार्यालय पाल्पाले सोमबार एक सूचना जारी गर्दै सो बारे जानकारी गराएको हो ।
मतदान केन्द्र रहेका विद्यालयहरू ५ दिनसम्म बन्द हुने हुने छन् । प्रतिनिधि तथा प्रदेशसभा निर्वाचनका लागि मतदान केन्द्र रहेका विद्यालयमा १ गते नै कर्मचारी र सुरक्षाकर्मीहरू पुगेर आवश्यक तयारी गर्ने भएका कारण विद्यालय बन्द गर्ने निर्णय भएको हो।
२९ कार्तिक २०७९, मंगलबार
प्रतिक्रिया