बाणगंगा र गजेहडा भूपू सैनिक खानेपानी संस्थामा पुनः राजेन्द्र विक्रम शाह

कपिलवस्तु, २० पुस । कपिलवस्तु बाणगंगामा रहेको बाणगंगा र गजेहडा भूपू सैनिक खानेपानी संस्थाको अध्यक्षमा पुनः राजेन्द्र विक्रम शाह चयन भएका छन् ।

मंगलबार भएको तेस्रो अधिवेशनले शाहलाई पुनः अध्यक्षमा सर्वसम्मत चयन गरेको हो । नगरको ठूलो खानेपानी संस्थाको रुपमा रहेको भूपूमा झण्डै तीन हजार उपभोक्ता छन् ।

खानेपानी संस्थाको स्थापना कालदेखि नै नेतृत्व गर्दै आएका शाह जिल्लास्तरीय खानेपानी तथा सरसफाई उपभोक्ता समितिको अध्यक्ष समेत हुन् ।

यस्तै भूपू सैनिक खानेपानीको उपाध्यक्षमा झलक मल्ल, सचिवमा कृष्ण बहादुर शाही, कोषाध्यक्षमा राममाया रानासहित १५ सदस्यिय कार्यसमिति चयन गरिएको छ ।