भुपाल थापा, कपिलबस्तु ।
होटल तथा पर्यटन व्यवसायी संघ कपिलबस्तुको अध्यक्षमा पुनः रविन्द्र पौडेल सर्वसम्मत निर्वाचित भएका छन् । संघको मंगलबार भएको प्रथम साधारणसभा तथा अधिवेशनले पौडेललाई अध्यक्षमा पुनः दोहोराएको हो ।
संघको बरिष्ठ उपाध्यक्षमा झिमनारायण सापकोटा र महिला उपाध्यक्षमा सवित्री वली, उपाध्यक्ष (पर्यटन) तर्फ यादव चुँदाली, उपाध्यक्ष (होटल) तर्फ प्रविण आचार्य, महा–सचिवमा रोमलाल पौडेल, सचिवमा महादेव न्यौपाने, कोषाध्यक्षमा सरोजमणी पौडेल र सह–कोषाध्यक्षमा सुनिल गैरे रहेका छन् ।
यस्तै, सदस्यहरुमा नवराज पौडेल, शोभाखर पराजुली, दिपक बहादुर सुनार, रामचन्द्र केसी, गणेश कुमार जिसी, चिरञ्जीवी थापा, ज्ञानहरि न्यौपाने, त्रिवेणी थारु, दिपक आचार्य र पुरुषोत्तम घिमिरे चयन भएका छन् ।
नवनिर्वाचित अध्यक्ष पौडेलले जिल्लाका सम्पुर्ण होटल तथा पर्यटन ब्यबसायीहरु बृहत्तर हितका लागि काम गर्ने प्रतिबद्धता गरे । कपिलबस्तुको पर्यटन प्रवद्र्धनका लागि हरतरह रुपले योजनाबद्ध रुपमा कार्य गर्ने उनले बताए ।
निर्वाचन समितिका संयोजक ईश्वर राज न्यौपाने, र समितिका सदस्यद्वय सुभास टण्डन र हरि घिमिरेले संघका पदाधिकारीहरुको निर्वाचन प्रक्रियाका बारेमा ब्यवस्थापन गरेका थिए । निर्वाचित १९ सदस्यीय पदाधिकारीलाई संयोजक न्यौपानेले सपथ ग्रहण गराएका थिए ।
प्रतिक्रिया