आर्थिक विधेयक २०८० प्रतिनिधि सभाबाट पारित

काठमाडौं, १७ असार । प्रतिनिधि सभाको बैठकले आर्थिक विधेयक २०८० पारित गरेको छ। आइतबार (आज) बसेको प्रतिनिधि सभाको बैठकले सो विधेयक पारित गरेको हो।

प्रतिनिधि सभाको बैठक सभामुखको भूमिकामा रहेकी उपसभामुख इन्दिरा रानाले सो विधेयक निर्णयार्थ पेस गर्नुभएको थियो । बहुमतबाट सो विधेयक पारित भएको हो।

अर्थमन्त्री डा. प्रकाश शरण महतले सो विधेयकमाथि सांसदले उठाएका प्रश्नको जवाफ दिएपछि उपसभामुख रानाले संसद्‌मा निर्णयार्थ पेस गर्नुभएको थियो ।