प्रतिनिधिसभाको बैठक आइतवारसम्मका लागि स्थगित

काठमाण्डौ, २२ असार । प्रतिनिधिसभाको आज शुक्रवारको बैठक सूचना टाँसेर स्थगित भएको छ । आज दिउँसो ३ बजेका लागि बोलाइएको बैठक विशेष कारणले निर्धारित समयमा बस्न नसक्ने भन्दै स्थगित भएको हो ।

सङ्घीय संसद् सचिवालयले अर्को बैठक पर्सि आइतवार दिउँसो १ बजेका लागि तोकेको छ । प्रमुख प्रतिपक्षी दल नेकपा एमालेले प्रधानमन्त्री पुष्पकमल दाहाल प्रचण्डले केही दिनअघि एक कार्यक्रममा दिएको अभिव्यक्तिलाई लिएर बैठकमा अवरोध गर्दै आएको छ ।