कपिलवस्तु, ०१ असार ।
नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवल अन्तर्गत लुम्बिनी प्रदेशका १२ वटा जिल्लाका ट्राफिक कार्यालयले असार अन्तिम दिन मात्र ११ लाख भन्दा बढि राजश्व संकलन गरेका छन् ।
आर्थिक बर्ष ०७९/०८० को अन्तिम दिन असार ३१ गते प्रदेशका १२ जिल्लामा १ हजार १८९ सवारी कारबाही हुँदा ११ लाख २९ हजार राजश्व संकलन भएको नेपाल प्रहरी राजमार्ग सुरक्षा तथा ट्राफिक ब्यवस्थापन कार्यालय बुटवलले जनाएको छ ।
नवलपरासीमा ८३ सवारी कारबाहीमा पर्दा ५५ हजार राजश्व संकलन भएको छ । रुपन्देहीमा मात्र ६ लाख ५२ हजार ५ सय राजश्व संकलन भएको छ । यो राजश्व ५४० सवारी साधन कारबाहीमा पर्दा संकलन भएको हो ।
कपिलबस्तुमा १०५ सवारी कारबाहीबाट ७७ हजार राजश्व संकलन भएको छ । दाङमा १४८ वटा सवारी कारबाहीबाट १ लाख २२ हजार ५ सय, बाँकेमा ११० सवारी कारबाहीबाट ८६ हजार ५ सय, बर्दियामा ६१ सवारी कारबाहीबाट ३६ हजार राजश्व संकलन भएको छ ।
यसैगरी पाल्पामा ४७ सवारी कारबाहीबाट ३३ हजार ५ सय, अर्घाखाँचीमा १६ सवारी कारबाहीबाट १३ हजार, प्युठानमा १३ सवारी कारबाहीबाट ७ हजार, रोल्पामा २६ सवारी कारबाहीबाट १६ हजार र रुकुम पुर्वमा ९ वटा सवारी कारबाहीबाट ९ हजार राजश्व संकलन भएको बताइएको छ ।
प्रतिक्रिया